Ábæjarkirkja (1922)

Ábæjarkirkja

 

Ljósmyndir frá notendum kirkjukort.net

Saga kirkjunnar

Ábæjarkirkja er kirkja á eyðibýlinu  Ábæ í Austurdal í Skagafirði. Kirkjan var byggð 1922 en bærinn hefur verið í eyði síðan 1941. Kirkjan, sem teiknuð var af Guðjóni Samúelssyni húsameistara ríkisins, er lítil, steinsteypt og var efni í hana flutt úr Skagafirði en viðurinn í kirkjuna sem áður var á Ábæ og byggð var 1842 var fluttur frá Akureyri inn í Leyningsdal í Eyjafirði) og fluttur yfir Nýjabæjarfjall  á sleðum sem dregnir voru af mönnum, Þótti það afrek því erfitt er að komast niður af fjallinu með æki vegna þess hve bratt það er, þótt lestarferðir væru iðulega farnar þar yfir.

Kirkjunni var fyrrum þjónað frá Goðdölum en 1907 var hún lögð til Mælifellsprestakalls og er þar alltaf ein messa á ári, á sunnudegi um verslunarmannahelgi. Þá koma oft yfir 100 manns í guðsþjónustu og er svo messukaffi veitt að Merkigili, sem fór í eyði 1997 er Helgi Jónsson hrapaði til bana í gilinu, en hann hafði þá verið eina sóknarbarn Ábæjarsóknar í allmörg ár. Systkini Helga gáfu kirkjunni skírnarfont til minningar um hann og er hann smíðaður úr birkitré sem óx í gili Austari-Jökulsár.

Ábæjarkirkja er eitt af elstu húsum Guðjóns Samúelssonar, húsameistara ríkisins. Kirkjuna teiknaði Guðjón í anda gömlu torfkirknanna en samkvæmt kenningum hans um að nota ætti varanlegt byggingarefni en byggja þó eftir íslenskri húsagerðarhefð þá var Ábæjarkirkja gerð úr steinsteypu. Hins vegar varð kirkjan aldrei alveg eins og Guðjón teiknaði fundist hafa teikningar hans sem sýna að með hliðum kirkjunnar áttu að vera veggir úr torfi og grjóti og á þakinu átti að vera torf.

Ljósmynd Jóna Þórunn.


 

Ábæjarkirkja - Staðsetning á korti.

 


Ábæjarkirkja - Beinn hlekkur

Viljir þú vísa inn á þessa síðu þá má nota hlekkina hér að neðan. Beinir hlekkir inn á síðuna hjálpa okkur að dreifa henni og láta einnig leitarvélar þekkja síðuna betur.

Hlekkur

Hlekkur með mynd