Kollafjarðarneskirkja (1909)

Kollafjarðarneskirkja

 

Ljósmyndir frá notendum kirkjukort.net

Saga kirkjunnar

Kollafjarðarneskirkja stendur utarlega við norðanverðan Kollafjörð á Ströndum á fallegum stað. Eftir að gömlu timburkirkjurnar að Felli í Kollafirði og Tröllatungu í Kirkjubólshreppi voru lagðar niður og sóknirnar sameinaðar, var ný kirkja úr steinsteypu byggð árið 1909 miðsvæðis í sókninni. Kirkjan var reist á einu sumri á Kollafjarðarnesi og vígð þann 5. september.  Hún er elsta steinsteypta hús í Strandasýslu sem enn stendur og er friðuð.

Merkustu gripir Kollafjarðarneskirkju eru allstór altaristafla sem á er máluð mynd af Kristi í grasagarðinum eftir A. Dorph. Einnig er þar altaristafla úr gömlu Fellskirkju, kvöldmáltíðarmynd máluð á tré með vængjum á hjörum. Á vængina er letraðir upphafstafirnir gefendanna, H.I.S. og A.B.D. Halldór Jakobsson sýslumaður á Felli og Ástríður Bjarnadóttir kona hans gáfu Fellskirkju myndina árið 1758. Kirkjan á einnig fágætan kaleik og patínu með ártalinu 1711.

Kollafjarðarneskirkja er í Hólmavíkurprestakalli í Vestfjarðaprófastsdæmi.

Ljósmynd Friðjón Árnason Melgerði, Lundareykjardal, Borgarfirði.


 

Kollafjarðarneskirkja - Staðsetning á korti.

 


Kollafjarðarneskirkja - Beinn hlekkur

Viljir þú vísa inn á þessa síðu þá má nota hlekkina hér að neðan. Beinir hlekkir inn á síðuna hjálpa okkur að dreifa henni og láta einnig leitarvélar þekkja síðuna betur.

Hlekkur

Hlekkur með mynd