Miðdalskirkja (1869)

Miðdalskirkja

 

Ljósmyndir frá notendum kirkjukort.net

Saga kirkjunnar

Miðdalskirkja er í Mosfellsprestakalli í Árnesprófastsdæmi. Kirkjan, sem nú stendur, er lítil timburkirkja, járnklædd með turni á mæni. Hún tekur 50 manns í sæti og var byggð og vígð 1869. Guðmundur Þórðarson var yfirsmiður en Halldór Bjarnason vann aðallega verkið. Altaristaflan er steinprentuð Kristsmynd í eikarramma (Komið til mín). Prédikunarstóllinn var gerður 1837.

Gömul altaristafla, sem sýnir kvöldmáltíðina, hangir á norðurhlið kórs. Hún er talin vera eftir Ófeig Jónsson á Heiðarbæ í Þingvallasveit og hann smíðaði líka prédikunarstólinn. Kolbeinn Þorsteinsson (1731-1783) var prestur í Miðdal á árunum 1765-1783. Eftir hann er Gilsbakkaþula (Kátt er á jólum, koma þau senn).

Kirkjan var friðuð 1. janúar 1990 samkvæmt aldursákvæði 1. mgr. 36. gr. þjóðminjalaga nr. 88/1989.

Ljósmynd Jóna Þórunn.


 

Miðdalskirkja - Staðsetning á korti.

 


Miðdalskirkja - Beinn hlekkur

Viljir þú vísa inn á þessa síðu þá má nota hlekkina hér að neðan. Beinir hlekkir inn á síðuna hjálpa okkur að dreifa henni og láta einnig leitarvélar þekkja síðuna betur.

Hlekkur

Hlekkur með mynd