Valþjófsstaðarkirkja (1966)

Valþjófsstaðarkirkja

 

Ljósmyndir frá notendum kirkjukort.net

Saga kirkjunnar

Valþjófsstaður er fornt höfuðból í Fljótsdal. Prestssetur hefur verið þar frá að minnsta kosti 14.öld.

Núverandi kirkja er  steinsteypt, vígð 1966 og tekur 95 manns í sæti.  Kirkjan er með forkirkju, sönglofti og turni.  Í kirkjunni er nákvæm  eftirlíking af Valþjófsstaðarhurð sem er einhver dýrmætasti gripur Þjóðminjasafns Íslands. Eftirmyndina skar Halldór Sigurðsson frá Miðhúsum.  Brottfluttir Fljótsdælingar gáfu kirkjunni hana á vígsludaginn. Þessi gamla Valþjófsstaðahurð mun vera frá 13. öld, fyrst skálahurð í bústað höfðingja og síðar í  stafkirkju Valþjófsstaðar, sem stóð um aldir, allt fram yfir siðaskipti. Hún er 206,5 sm á hæð og sett saman úr þremur borðum með nót og fjöður. Á framhlið hennar eru tveir kringlóttir reitir með útskurði (97 sm í þvermál hvor). Milli reitanna er stór járnhringur með greyptri silfurskreytingu.

Margir mætir menn hafa lokið upp einum munni um útskurðinn og talið hann einhvert stílhreinasta rómanska verk á Norðurlöndum. Árið 1852 var hurðin seld til Kaupmannahafnar en kom þaðan aftur með fleiri íslenskum listaverkum árið 1930.

Ljósmynd Friðjón Árnason Melgerði, Lundareykjardal, Borgarfirði.


 

Valþjófsstaðarkirkja - Staðsetning á korti.

 


Valþjófsstaðarkirkja - Beinn hlekkur

Viljir þú vísa inn á þessa síðu þá má nota hlekkina hér að neðan. Beinir hlekkir inn á síðuna hjálpa okkur að dreifa henni og láta einnig leitarvélar þekkja síðuna betur.

Hlekkur

Hlekkur með mynd